Ministrat e Financave të Bashkimit Evropian kanë qëndruar 16 orë në një konferencë online, por sërish nuk kanë arritur të konkludojnë në një zgjidhje për pandeminë e koronavirusit.
Sipas mediave të huaja, marrëveshjet nisën pasi Holanda këmbënguli për kushtet e rrepta, për kreditë e buta tek vendet më të goditura si Spanja dhe Italia.
“Pas 16 orësh diskutimesh ishim afër një marrëveshjeje, por ne nuk jemi akoma atje. Unë pezullova Eurogroup dhe (ne do të vazhdojmë) nesër”, shkuan Mario Centeno, kryetari i Eurogroup, në një postim në Twitter.
CNBC raporton se zyrtarët e BE-së kishin shpresë se do të arrinin një marrëveshje, që do të garantonte programin me gjysmë trilionë euro, i cili do të mbronte ekonominë evropiane nga pasojat e koronavirusit.
Italia, Franca, Spanja, Irlanda dhe Luksemburgu po përpiqeshin të punonin për të marrë borxhin që të luftonin koronavirusin në vendet e tyre, por Holanda nuk pranoi.
Mbledhja e radhës do të mbahet ditën e enjte, më 9 prill 2020.
