E shtunë, 24 Korrik, 2021
19.5 C
Tirana

Partia Komuniste Kineze është ende e fortë, por e ardhmja nuk është e sigurt

Nga Erminia Voccia “Linkiesta”

1 korriku shënoi 100-vjetorin e Partisë Komuniste Kineze, e cila mban monopolin e pushtetit në Kinë, që kur trupat e Mao Ce Dunit mundën nacionalistët në vitin 1949. Kjo parti ka më shumë se 90 milionë anëtarë në vend, dhe përgjatë dekadave ka treguar këmbëngulje dhe përshtatshmëri të madhe.

Ajo i ka mbijetuar ngjarjeve të ndryshme historike që fare mirë mund ta kishin fundosur,  duke fajësuar shpesh paaftësinë e individëve për gabimet e saj. Por sot, PKK ka sfida të reja përpara. Presidenti kinez Xi Jinping është anëtari më i famshëm i PKK.

Po qytetarët kinezë përballen me partinë në nivelin lokal, në qytete dhe fshatra të mëdha e të vogla. Qendra për Studime Strategjike dhe Ndërkombëtare analizoi rastin e Niangziguan, një qytet me një popullsi 11.446 banorë, në jugperëndim të Pekinit dhe midis provincave Shanxi dhe Hebei.

Ndërsa synimi i arritjes së “rinovimit kombëtar” përfshin nivelet e sipërme, janë problemet praktike ato që dominojnë përpjekjet e autoriteteve lokale. Parandalimi dhe zgjidhja e çështjeve që paraqesin rreziqet më të mëdha si kërcënimi nga terrorizmi, depërtimi i separatistëve tibetianë, format e ndryshme të spiunazhit, janë thelbësore për arritjen e objektivave politikë të PKK-së në një nivel më të gjerë.

Duke pasur parasysh kufizimet e vendosura ndaj qytetarëve kinezë mbi lirinë e shprehjes, mbështetja për partinë në mesin e popullatës duket se është rritur. Kjo shpjegohet nga një studim i korrikut 2020 nga Shkolla Harvard Kennedy, sipas të cilit kjo po ndodh për shkak të përmirësimit të cilësisë së jetës të arritur në Kinë në dekadat e fundit.

Për kinezët është gati e natyrshme të ndjehen krenarë për arritjet e tyre në një kohë kaq të shkurtër, vazhdon analiza, pas dekadave të trajtimit si “vëllai i vogël” i Shteteve të Bashkuara.

Suksesi në kontrollimin e pandemisë së Covid-19, e ka rritur mbështetjen për regjimin kinez, ndërsa propaganda është përpjekur të forcojë në mënyrë të qëndrueshme idenë se jeta në Kinë ishte më e mirë se sa në pjesën tjetër të botës.

Republika Popullore iu përgjigj më herët dhe më mirë krizës ekonomike të shkaktuar nga pandemia. Sipas raportit, qytetarët kinezë kanë qenë të kënaqur me qeverinë që nga viti 2003, që kur edhe filloi studimi. Por kjo kënaqësi duket se lidhet me shkallën e mirëqenies materiale,ndaj mund të rrezikohet nëse përkeqësohen kushtet e jetesës përballë ngadalësimit ekonomik.

Lexo edhe :   Kina vendos sanksione ndaj shtatë shtetasve amerikanë

Për momentin, pushteti i PKK nuk duket të jetë i kërcënuar, por konsensusi nuk mund të merret si i mirëqenë. Suksesi ekonomik është një thikë me dy presa, pasi nëse nga njëra anë garanton një shkallë të caktuar të rendit social, nga ana tjetër përmirësimi progresiv i standardeve të jetesës presupozon që procesi duhet të mos ndalet. Prandaj, qytetarët presin gjithnjë e më shumë, dhe tradhtia ndaj tyre mund të ketë një kosto.

Edhe suksesi i dëshmuar në kontrollimin e përhapjes së virusit, mund të jetë gjithashtu jetëshkurtër. Mungesa e transparencës së Pekinit në sigurimin e informacionit mbi origjinën e pandemisë, ka nxitur dyshimet për një fshehje fillestare të emergjencës shëndetësore.

Lexo edhe :   Kina është ende shumë larg nga të qenit një superfuqi botërore

Të dhënat nga një hulumtim i Statista në janar 2021, tregojnë një rënie të besimit të qytetarëve kinezë tek qeveria komuniste, ndoshta për shkak të trajtimit të pandemisë nga Pekini. Gati 82 për qind e të anketuarve, thanë se i besojnë qeverisë kineze, një numër i

Lartë, por gjithsesi dukshëm më i ulët se sa në vitin 2019, kur niveli i besimit ishte 90 për qind.

Por problemi i vërtetë për PKK mund të jetë një tjetër. Ai që e ka mbajtur partinë të zënë për më shumë se 70 vjet: Tajvani. Pekini e konsideron ishullin një territor që do të rikthehet nën kontrollin e tij me çdo mënyrë të mundshme.

Për këtë çështje është folur gjithmonë, por prej disa javësh kjo ka ndodhur me një shqetësim më të madh përballë inkursioneve gjithnjë e më serioze kineze në hapësirën ajrore të ishullit. Mbi këtë temë kanë reflektuar edhe analistët e think-tankut amerikan “Atlantic Council”.

Nëse për shembull do të dështonte një sulm i mundshëm ndaj Tajvanit, PKK do të paguante jo pak në aspektin e prestigjit, pasi ajo e ka shndërruar aneksimin e ishullit në çështje thelbësore në axhendën politike dhe gjeopolitike të presidentit Xi Jingping. Po kështu, kostoja ekonomike e një përpjekje të dështuar të aneksimit, mund të dëmtojë gjithashtu reputacionin e Partisë Komuniste Kineze.

burimi:https://www.linkiesta.it/2021/07/cina-partito-comunista-xi-jinping-centenario

Përshtatur për Tirana Today

- Reklama -

Më shumë nga kategoria




Të fundit

Shembet ura në Siberi, bllokohet hekurudha më e gjatë në botë

Vërshimet si pasojë e reshjeve të furishme në Siberi kanë çuar në shembjen e një urë, duke e shkëputur hekurudhën siberiane, më e gjata...

Kina vendos sanksione ndaj shtatë shtetasve amerikanë

Kina njoftoi të premten se po vendos sanksione ndaj disa shtetasve amerikanë në përgjigje të sanksionimit nga ana e Shteteve të Bashkuara të shtatë...

KPK, pikëpyetje për pasurinë dhe profesionalizmin e prokurores Daniela Sulaj

Prokurorja Daniela Sulaj, e komanduar si inspektore pranë Inspektoriatit të Lartë të Drejtësisë, u përball të premten më 23 korrik me Komisionin e Pavarur...

Gjykata i refuzon kërkesën për liri, Hashim Thaçi mbetet në paraburgim

Gjykata Speciale e Hagës ka marrë vendim që t’i refuzohet kërkesa ish-presidentit të Kosovës, Hashim Thaçit, që ky i fundit të mbrohet në liri. Edhe...

Koronavirusi, Manastirliu tregon numrin e të vaksinuarve në 24 orët e fundit

Ministrja e Shëndetësisë dhe Mbrojtjes Sociale, Ogerta Manastirliu ka publikuar shifrat e të vaksinuarve kundër koronavirusit në vend. Manastirliu bën me dije, se mbi 13...