Përveç patrullimeve të shtuara nga policia për evidentimin e shkeljeve, që janë burim i shtuar për aksidente rrugorët e kryeqytetit, tre ditët e fundit kanë shtuar ndjeshëm prezencën dhe fokusin e patrullave, për evidentimin dhe dokumentimin e parkimeve të gabuara në kryeqytet.
Sipas policisë, në vetëm 72 orët e fundit janë konstatuar dhe proceduar administrativisht 1,350 mjete të ndryshme, për pushim dhe qëndrim të gabuar.
Mjetet e parkuara gabim janë gjetur më së shumti mbi trotuare, në vendet e rezervuar, në vendkalime këmbësorësh, në rresht të dytë etj.
