Joe Biden fitoi garën për mandatin presidencial në 4 vitet e ardhshme, duke mundur Donald Trumpin, përmes një procesi votimi që si asnjëherë më parë polarizoi shoqërinë amerikane. Rezultati i këtyre zgjedhjeve sjell në Shtëpinë e Bardhë 78-vjeçarin Joe Biden, presidentin me moshën më të madhe në historinë e SHBA, por edhe Kamala Harris, gruan e parë në postin e zv.Presidentes.
Fitorja e Joe Biden si president i SHBA-ve, u cilësua nga konspiracionisti Alfred Cako si “mjerimi i njerëzimit”.
Ai aludoi në rubrikën “Rrethi katror” në “E Diell”, se Biden do të vendosë sekretare shteti Hillary Clinton, ndërsa zëvendës-presidentja, Kamala Harris, sipas tij, pasi të bëjë vaksinën do të ndërrojë jetë disa javë më pas. Alfred Cako pretendon se në muajin maj është menduar që presidenti të japë dorëheqjen, dhe Hillary Clinton të bëhet presidente.
“Shqiptarët shikojnë që me në krye Biden, ato do të shkatërrojnë njerëzimin. Ju nuk e dini si do të jetë agjenda e tyre. E para do të bëhet Hillary Clinton sekretari shteti, e dyta Kamala vaksinohet në muajin shkurt dhe pak javë pas vaksinimit, Kamala vdes dhe bëhet zëvendës presidente bëhet Hillary.
Në muajin maj është menduar që presidenti të japë dorëheqje dhe Hillary Clinton të bëhet presidente. Kina nga krahu tjetër, parashikohet që të godasë disa shtete duke filluar me Nepalin që do e pushtojë. Më pas do të hyjë në një luftë me Indinë”, tha Cako.
