Një vjedhje ka ndodhur mbrëmjen e djeshme në Fushë Milot. Disa persona janë paraqitur në banesën e shtetasit Taf Shabani, me pretendimin se ishin shokë të djalit të tij që është emigrant në Itali.
Në banesë ndodhej vetëm e zonja e shtëpisë e cila vuan edhe nga shikimi. Dy prej personave janë ngjitur në katin e dytë të banesës ku dhe ishte vendosur kasaforta.
Ata kanë zbërthyer kasafortën dhe kanë vjedhur gjithë paratë dhe sendet me vlerë, e më pas janë larguar. Pasi u konstatua vjedhja, ata kanë njoftuar menjëherë policinë e Kurbinit. Gruaja tregoi për policinë se ishin 3 persona dhe se ajo nuk i njihte.
Ndërkohë sipas kryefamiljarit, vlera e lekëve që është vjedhur është shumë e madhe prandaj i mbanin në kasafortë.
