Sekretari për pushtetin vendor në PD, Roland Bejko, ka shpërthyer pas fyerjeve që kanë ardhur në adresë të tij, për shkak të qëndrimeve politike. Përmes një mesazhi në Facebook, Bejko shkruan se komentet fyese që do të vijnë në faqen e tij, do të marrin reston që u takon.
Mjaft i drejtëpërdrejtë në qëndrimin e tij, ai thotë se kushdo që shan e fyen përse nuk është dakord që PD të drejtohet nga Sali Berisha, do marrë përgjigjen me të njëjtën monedhë.
Dy ditë më parë, Bejko deklaroi në emisionin ‘5 Pyetje nga Babaramo’ në Report Tv se Sali Berisha ishte një burrë shteti deri në vitin 2013, por qasja e mëvonshme është e gjitha për interesa personale.
Ndër të tjera Bejko theksoi se shumica e anëtarësisë mbështet Lulzim Bashën. “Detyra e burrave të shtetit është të kapërcejnë mbi vetveten, dhe primare të jenë interesat e përgjithshme dhe interesat personale të zerohen. Ne kemi të kundërtën, interesat personale prevalojnë mbi ato të demokratëve dhe shqiptarëve”, deklaroi Bejko.
Ja se çfarë shkruan
Kushdo me emrin e vet a anonim qoftë që bën komente fyese në faqen time, do marrë mbrapsht reston me gjithë fjalorin e mundshëm nga ana ime, pra çdo fjalë që përmban fjalori i shqipes. Dhe kjo do jetë më e pakta. Nuk ka bir kurve që më tremb! Përkundrazi, po më bindni që së pari nuk e kam dit që rrotull njerëzve të.pushtetshëm në PD paskan pas pranë vetes kaq shumë llum, horra, banditë dhe kriptokunistë. Së dyti, nuk ma merrte mendja që Sali Berusha të kish kaq shumë fuqi që ta thithte të gjithë këtë llum pas vetes. Së treti, ndjesë shqiptarëve që janë përtej PD-së se këtë llum që ka shpërthyer si diare lope rrugëve të atdheut, përpak sa nuk ua bëmë peshqesh në qeverisje. Pra nuk do ndodhte gjë tjetër, veçse do tu hiqnim një kategori llumi, për ta zëvendësuar me kopjen e llumit. Shqiprarët u treguan vet të zgjuar, zgjodhën të mbanin në pushtet llumin origjinal. Edhe një herë, siç i thonë shqiptarçe, kushdo që shan e fyen pse unë nuk jam dakord që PD të drejtohet nga Sali Berisha do marrë reston që i takon.
