Kryeministri Edi Rama deklaroi se pallatet që kanë pësuar dëme jo të konsiderueshme duhet të rikuperohen nga vetë ndërtuesit.
Gjatë fjalës së tij, kreu i qeverisë paralajmëroi në tryezën e Komitetit Kombëtar të Rindërtimit se duhet të shkojnë t’i riparojnë pa humbur kohë, ose në rast të kundërt do të përgjigjen para ligjit.
Ndër të tjera, kryeministri theksoi se do të ndëshkohen me 7 deri në 15 vjet burg të gjithë ata që shkelin lejen e ndërtimit.
“Riparimet janë pjesa më e madhe dhe kushtojnë shumë. Inventari është shumë i rëndësishëm, prandaj kemi thirrur ekspertë të huaj për shkak të kësaj lukunie që bën gam-gam. Besimi sot te ndërtuesit është përtokë për shkak të imazhit që krijohet.
Por godinat e reja e kanë përballuar testin. Edhe diçka, ata që i kanë ndërtuar ata që janë dëmtuar, të shkojnë ti riparojnë ose të përgjigjen para ligjit dhe të shkojnë në burg. Se nuk ka mundësi të riparojmë pallate që kanë shfaqur dëme të rikuperueshme se janë bërë gabime në zbatim. Edhe në këtë kategori ka jo pak dhe të vijnë dhe ata që i kanë bërë dhe ti riparojnë, ata që janë të riparueshme”, tha Rama.
