Ekspertja e koronavirusit, Sara Cody nga Santa Clara në Kaliforni është bërë hit në rrjetet sociale, për shkak të veprimit të saj gjatë një deklarate.
Gjatë fjalës së saj, ekspertja po paralajmëronte njerëzit të mos prekin gojën për shkak të mundësisë së infektimit nga koronavirusi. Por vetëm pak minuta pasi thotë këtë, ekspertja ka prekur gjuhën e saj me gisht, duke kthyer më pas faqen e dokumentit që mbante në duar.
“Sot nisni të stërviteni si të mos prekni fytyrën, sepse shumica e viruseve shpërndahen kur ju prekni gojën, hundën e sytë”, tha ajo.
Pamjet u shpërndanë gjerësisht në mediat sociale me reagime nga më humoristiket.
Shkencëtarët thonë tashmë se koronavirusi mund të jetojë për 48 orë në sipërfaqet e kontaminuara prandaj prekja e fytyrës është një mënyrë e lehtë për ta marrë.
Më poshtë në video mund të shikoni edhe deklarata të zyrtarëve tjerë, që thonë të njëjtën gjë dhe vijojnë ta prekin sërish fytyrën e tyre.
