Ish-kryeministri Sali Berisha ka publikuar në Facebook një video, ku ish-Presidenti i SHBA George W. Bush fliste për rrezikun e përhapjes së një epidemie të mundshme si një armë biologjike.
Fjalimi i Bush është i 15 viteve më parë, teksa Berisha e konsideron atë si një paralajmërim profetik të ish-presidentit amerikan.
Në video Bush thotë se SHBA duhet të përgatitet për të përballuar situatën, në rastin e një epidemie të mundshme. Sipas Bush, marrja e masave paraprake do t’i jepte qytetarëve qetësi mendore.
Kujtojmë se SHBA është vendi më i prekur në botë, teksa shënon më shumë se gjysmë milionë persona të infektuar dhe mbi 20 mijë viktima.
Postimi i plotë:
Nje paralajmerim profetik!
Ja çfare deklaroi 15 vite me pare burri i shtetit vizionar dhe miku i madh i kombit tone presidenti i SHBA, George ë Bush:
“Ne mund te ndihmojme kombet tona te pregatiten, perballen me rreziqe te tjera si sulme terroriste qe perdorin armet kimike ose biologjike. Udheheqesit ne te gjitha nivelet e qeverisjes kane pergjegjesine te perballen me rreziqe para se ato te shfaqen dhe te angazhojne popullin amerikan ne kursin me te mire te veprimeve.
Eshte jetike qe kombi yne te diskutoje dhe adresoje çeshtjen e nje pandemie gripi tani. Nuk ka pandemi gripi ne vendin tone apo ne bote ne kete kohe. Por ne rast se ne presim per pandemine qe te shfaqet, mund te jete shume vone per tu pregatitur. Dhe nje dite shume jete mund te humbasin sepse ne deshtuam te veprojme sot.
Duke u pregatitur tani, ne mund tju japim qytetareve tane qetesine mendore duke e ditur se kombi yne eshte gati te veproje ndaj shenjave te para te rrezikut dhe se ne kemi planet e gatshme per te parandaluar, dhe, ne raste nevoje, per te perballuar nje pandemi gripi!” sb
