Grida Dumën e kemi parë shpesh herë të flasë jashtë petkut të një politikaneje. E ftuar në “Pop Culture”, ajo ka treguar disa detaje me të vërtetë pikante. Duma ka treguar për herë të parë se sot mund të ishte një violiniste, pasi e vogël është marrë me muzikë. Por përballja e saj me muzikën ka qenë jo pak e lehtë, pasi i duheshin 4-5 orë në ditë për të studiuar violinë.
“Është e tmerrshme të kesh mamin mësuese në shtëpi. Unë dilja në provim, dhe ajo ishte pjesë e komisionit. Pastaj ishte shumë e emocionuar dhe largohej.
Por sapo largohej, i thoshte njërës prej zyshave aty, se donte të tregonte që ishte më kërkuese se ato vetë, dhe nuk më ka ndodhur njëherë të vetme të marrë një rezultat maksimal, megjithëse torturohesha.
Vinte koha e plazhit, dhe tek oborri i shtëpisë time vinin kushërinjtë që do bëheshin gati. Unë i dëgjoja që ata luanin me top, unë vazhdoja studioja violinë se duhet të bëja orët e violinës. Kushdo që mendon se arti është një gjë e thjeshtë, është gjëja më e vështirë për tu perfeksionuar. Unë e mbaj mend që fëmijë e sot që studimi i violinës ka qenë më i vështiri që kam bërë, 4-5 orë në ditë dhe nuk ja dola!”, ka treguar ish-deputetja e Partisë Demokratike.
