Trajneri i kombëtares, Christian Panucci ka publikuar listën e lojtarëve të cilët do të grumbullohen për dy ndeshjet përballë Turqisë dhe Andorrës, të vlefshme për kualifikueset Euro 2020.
Me Turqinë ndeshja do të zhvillohet në Shkodër më 22 mars, ndërsa me Andorrën në transfertë më 25 mars. Grumbullimi i kombëtares do të nis ditën e diel.
Pasi i dha fund zërave që e shihnin shpesh në stolin e çdo ekipi italian që ishte pa trajner, mbi të gjitha në stolin e Romës, Panucci është i fokusuar totalisht te Shqipëria dhe kualifikueset.
Trajneri Panucci do të dalë përpara mediave në një konferencë për shtyp ditën e dielë, në orën 11:00, në selinë e FSHF-së, siç edhe është parashikuar. Grumbullimi i ekipit kombëtar do të nisë ditën e diel në Kompleksin Tropikal, ndërkohë që seanca e parë stërvitore do të jetë në orën 15:00 në fushën sportive të Tropikal.
Ndërkohë, sipas programit mediatik për ekipin kombëtar A, për tre ditë me radhë, të hënën, të martën dhe të mërkurën, në orën 13.30 do të jenë përpara mediave dy futbollistë të ekipit kombëtar, teksa të enjten, një ditë përpara ndeshjes me Turqinë, në stadiumin “Loro Boriçi”, në orën 17:00, do të zhvillohet konferenca për shtyp me trajnerin e ekipit kombëtar dhe kapitenin.
