Fiorin Durmishaj është një ndër emrat më të lakuar te kombëtarja shqiptare. Trajneri Panucci i ka bërë ftesë futbollistit që aktivizohet në Greqi, por ky i fundit nuk është përgjigjur akoma. Durmishaj, i cili në këtë periudhë ka qenë duke kryer shërbimin e detyrueshëm ushtarak, ka kualifikuar kombëtaren greke të forcave të armatosura në Botëror.
“Ishte eksperiencë e jashtëzakonshme. Kemi kaluar mjaft mirë. Është ndjesi e mirë që do të jetë në Botëror, edhe pse disa prej nesh mund të mos kenë mundësinë që të jenë në Kinë. Gjithsesi, secili që do të jetë atje, do të bëjë më të mirën për të përfaqësuar kombin.
Në këtë periudhë kemi kaluar mirë dhe secili në fushë kishte mundësinë për të shënuar gol”, ka deklaruar sulmuesi i Kombëtares shqiptare, Fiorin Durmishaj, i cili zotëron pasaportën greke dhe ka qenë pjesë e ekipit të forcave të armatosura greke.
Për Durmishajn ka shfaqur interes edhe kombëtarja greke e futbollit, por pritet që shqiptari të vijojë karrierën e tij me Kombëtaren e Shqipërisë dhe t’u përgjigjet ftesave të radhës nga Kristian Panuçi.
