Një grua në SHBA humbi jetën si pasojë e koronavirusit. Në një konferencë për shtyp në Shtëpinë e Bardhë, presidenti Donald Trump tha se pacientja ishte një grua në të 50-at, dhe ishte me një rrezik të lartë mjekësor.
Asnjë informacion i mëtejshëm në lidhje me udhëtimin e pacientit, dhe historinë mjekësore nuk ishte në dispozicion. Trump, teksa i shprehu ngushëllime familjes së viktimës, apeloi ndaj qytetarëve që të gjithë të jenë të qetë.
“Rastet shtesë në Shtetet e Bashkuara janë të mundshme, por individët e shëndetshëm duhet të jenë në gjendje të shërohen plotësisht”, tha ai.
“Njerëz të shëndetshëm – nëse jeni të shëndetshëm, me siguri do të kaloni një proces dhe do të jeni mirë”, tha më tej ai.
Trump u bëri thirrje politikanëve dhe mediave, që të mos provokojnë panik por të sensibilizojnë qytetarët. “Nuk ka asnjë arsye për të hapur panik”, tha ai.
