Në vendin tonë kemi mbi 18 mijë raste aktive, që janë në masën 98% me variantin e ri Omicron. Kjo e dhënë është përcjellë nga Ministrja e Shëndetësisë, Ogerta Manastirliu, ndërsa ka garantuar se situata në spitale është e qëndrueshme.
Ministrja tha se ekspertet e Komitetit Teknik, janë duke e monioruar çdo ditë ecurinë e situatës epidemiologjike, dhe bazuar mbi të dhënat do të merren dhe vendimet nëse do të hiqen perfundimisht masat kufizuese apo do ketë lehtësim të tyre.
Disa vende te Evropes janë duke zbutur apo hequr masat, a është Shqipëria e gatshme të heq masat kufizuese përfundimisht?
“Masat në Shqiperi konsiderohen të intensitetit të ulët e mesatar, janë masa elastike, situata po vlerësohet në mënyrë dinamike.
Aktualisht është një situatë që na bën të jemi shumë të kujdesshem në ato hapa që do marrim, sa i përket lehtësimit të masave. Sot jemi mbi 18 mijë raste aktive që janë në masën 98% me variantin e ri Omicron, dhe situata në spitale e qëndrueshme. Jemi duke e monioruar çdo ditë ecurinë e situatës e bazuar mbi të do merren dhe vendimet, por është herët për të shpallur fitoren ndaj virusit dhe të marrim vendime bazuar në situatë dhe indikatorët, qoftë infektimeve, qoftë shtrimeve qoftë dhe humbjeve të jetës”.
