Për shkak të përkeqësimit të gjendjes shëndetësore si pasojë e infektimit me koronavirus, ish-kryeministri italian, Silvio Berlusconi është transportuar për në spital.
Më 2 shtator ai doli pozitiv me koronavirus. Ai është shtruar në San Raffaele në Milano, pas një përkeqësimi të lehtë. Mediat e vendit fqinj raportojnë se Berlusconi nuk është në kujdes intensiv, por ka pasur vështirësi në frymëmarrje.
Senatori i Forza Italia, Licia Ronzulli i tha Agorà Rai në Rai3: “Berlusconi kaloi natën në spital, ai u shtrua në spital natën e kaluar.
Mëngjesi filloi pak keq. Berlusconi është mirë, ai e kaloi natën mirë. Një vizitë në spital, ishte e nevojshme për të monitoruar progresin e Covid-19”.
Me koronavirus është infektuar edhe partnerja e ish-kryeministrit, Marta Fascina.
