Organizata Botërore e Shëndetësisë në Evropë tha se izolimet kombëtare duhet të trajtohen si një “opsion i fundit” në luftimin e pandemisë.
Sipas OBSH-së, Evropa është përsëri në “epiqendrën” e pandemisë.
“Izolimi i shoqërisë do të parandalonte transmetimin e koronavirusit dhe do t’i jepte sistemit shëndetësor hapësirën e nevojshme, por ai gjithashtu ka një kosto të madhe”, tha drejtori rajonal i OBSH-së për Evropën, Hans Kluge.
Gjithnjë e më shumë vende evropiane po miratojnë masa drastike për të frenuar përhapjen e koronavirusit. Kluge tha se një përgjigje e fortë ndaj pandemisë, nuk do të thoshte izolime të rrepta, siç ndodhën në pranverë.
