Plan B për 25 prillin? Gjiknuri: Nëse nuk formojmë shumicën do bëjmë koalicion

Përveç dinamikave politike që propozon Kodi i ri Zgjedhor i rivotuar sot në Parlament, një çështje shumë e rëndësishme për zgjedhjet e vitit 2021 janë edhe koalicionet paszgjedhore.

Deputeti i PS, Damian Gjiknuri shprehet i bindur se mazhoranca fiton edhe këto zgjedhje teksa shton se deri më tani PS s’ka ndonjë plan tjetër veç fitores si forcë e vetme.

Më tej Gjiknuri tregon se çfarë ndodh në rast se PS nuk fiton shumicën ose nuk merr 71 mandate. Deputeti thekson se nuk përjashtohen mundësitë e aleancave me parti të tjera.

Këto pyetje shtrohen në kohën dhe momentin e duhur.Nuk do të kemi nevojë për shtrirje dore në këto zgjedhje. Por këto duhen bërë në kohën e duhur. Nëse nuk bëjmë shumicë, do bëjmë aleanca me parti të tjera. Ka shumë parti. Nuk gjykojmë tani. Unë them që, do shohim.Do lexojmë vullnetin e popullit. Atëhere fillon preferenca. Nëse nuk zotërojmë 71 mandate, do bëjmë aleancë me ndonjë faktor politik. Mund të jenë dhe grupimet e reja në parlament. Pasi kam fotografimin politik, atëhere, çfarë i intereson vendit”, tha Gjiknuri në ‘Real Story’.