Kosova ka regjistruar 118 raste të reja me koronavirus, pas marrjes së 828 mostrave.
Instituti Kombëtar i Shëndetit Publik (IKSHPK), ka njoftuar se brenda 24 orëve janë regjistruar tri viktima.
Sipas të dhënave, janë regjistruar edhe 50 raste që kanë mposhtur virusin, teksa raste aktive aktualisht janë 1,637.
Deri më tani, në Kosovë janë raportuar për 17,009 të prekur Covid-19, dhe prej tyre 656 pacientë kanë vdekur.
