Italia ka regjistruar një rënie të rasteve të reja me koronavirus në 24 orët e fundit.
Sipas Worldometers, sot në shtetin fqinj janë konfirmuar 1.494 raste të reja, 272 raste më pak se një ditë më parë.
Ndërkohë, sa i përket viktimave të shënuara, gjatë 24 orëve të fundit janë regjistruar 16, një më pak se dje.
Deri më tani, Italia ka regjistruar më shumë se 311 mijë raste pozitive me COVID-19 dhe 35.851 viktima. Aktualisht, në vend janë ende mbi 50 mijë raste aktive.
Së fundmi, Italia ia ka kaluar edhe Pakistanit për numrin më të lartë të rasteve të evidentuara, duke u renditur e nëntëmbëdhjeta në botë.
Më shumë se 33 milionë njerëz nga e gjithë bota janë prekur nga koronavirusi, ndërsa mbi 1 milionë persona kanë humbur jetën.
