Kreu i Urgjencës Kombëtare, Skënder Brataj tha në “Provokacija”, se vala e parë është ende prezente, ndërsa e krahasoi Covid-19 me viruset e tjera në të kaluarën. Ai shtoi më tej se në historinë e pandemive, ka pasur sezone edhe vite dhe se ato të mesjetës kanë zgjatur 6-7 vjet. Brataj u shpreh se situata mund të rëndohet gjatë dimrit, kur vjen sezonaliteti i gripit të zakonshëm që e përkeqëson gjendjen.
“Janë faktorë që ndikojnë në shkatërrimin e virusit, siç është vera. Të fundit janë shkatërruar. Ne i kemi dhënë mundësi të shpërhapjes së menjëhershme. Virusi nuk e dimë sa do të rrijë. Në historinë e pandemive ka pasur sezone edhe vite. Ato të mesjetës kanë zgjatur 6-7 vjet.
E fundit, gripi spanjoll ka zgjatur 2 vjet. Mund të zgjasë ky si grip dhe ndërkohë i vjen sezonaliteti i gripit të zakonshëm që e përkeqëson gjendjen. Do ti shtohet edhe një ushtar tjetër në krah.
Vala e parë nuk ka ikur, e kemi prezent. Zakonisht këto të fundit kanë qenë vala e parë 6-7 muaj, pastaj të tjera deri në zhdukjen e tij”, u shpreh ai.
