Futbollisti i Real Madrid, Mariano Diaz, ka rezultuar pozitiv me koronavirus.
Lajmin e ka bërë të ditur vetë klubi madrilen, përmes një deklarate në faqen e tyre zyrtare.
“Pas testimit për COVID-19, ne u njoftuam se futbollisti ynë, Mariano Diaz, ka rezultuar pozitiv. Futbollisti është në gjendje të mirë shëndetësore dhe është izoluar në shtëpinë e tij”.
Mediat spanjolle shkruajnë se 26-vjeçari nuk është stërvitur sot me bashkëlojtarët e tij. Gjithashtu, është konfirmuar se ai nuk ka pasur kontakt me futbollistët e tjerë që prej javës së kaluar.
