Pas shtimit të rasteve me koronavirus, Greqia ka shtuar masat parandaluese për përhapjen e pandemisë në të gjitha pikat kufitare të vendit. Lajmin në fjalë e ka përcjellë kryeministri grek Kyriakos Mitsotakis, i cili ka thënë se testet për Covid-19 do të kryhen në disa pika kufitare.
Disa nga pikat doganore ku do të shtohen masat janë përmes kufirit me Shqipërinë, përkatësisht në Kakavijë, Maqedoninë dhe Bullgarinë.
Çdo qytetar që do të hyjë në Greqi, do të duhet të kenë kryer testin për Covid-19 në 72 orët e fundit, dhe të kenë rezultuar negativë. Një test tjetër do t’iu kryhet në doganë, ku do të raportojnë edhe për vendndodhjen si dhe do të lënë numrin e kontaktit.
Po ashtu Greqia po shikon mundësinë e ndalimit të grumbullimeve në festivale dhe evente të ndryshme.
