Franca ka regjistruar një rritje jashtëzakonshme të numrit të viktimave nga koronavirusi, gjatë 24 orëve të fundit.
Sipas Worldometers, Franca ka raportuar sot 154 viktima nga COVID-19, 104 më shumë se një ditë më parë. Ndërkohë, një rritje është evidentuar edhe në numrin e rasteve të reja.
Gjatë 24 orëve të fundit, në Francë janë regjistruar 13.215 raste të reja, në krahasim me 10.593 që u shënuan dje.
Ky është bilanci më i rëndë që Franca ka regjistruar në muajt e fundit. Deri më tani, vendi ka regjistruar gjithsej mbi 428 mijë raste pozitive dhe 31.429 viktima.
