Presidenti i Turqisë, Recep Tayyip Erdoğan, është bërë iniciator i Fushatës Kombëtare të Solidaritetit, dhe në një video-konferencë i bëri thirrje institucioneve, organizatave dhe njerëzve, t’i bashkohen fushatës. Mediat turke raportojnë se Erdogan ka dhuruar 7 muaj të pagës së tij, për të ndihmuar në këtë luftë. “Unë po e filloj fushatën personalisht duke dhuruar pagën time të shtatë muajve”, tha Erdogan.
Ndër të tjera ai theksoi se anëtarët e kabinetit në qeveri dhe ligjvënësit, po ashtu kanë dhuruar afro 791 mijë dollarë në fushatë.
Presidenti turk sërish është shprehur se Turqia ka pajisje më të mira mjekësore, ndaj situata do përballohet mirë.
“Turqia po hap me shpejtësi spitale të reja, po ashtu forcon ato ekzistuese. Ne jemi të vendosur të përdorim të gjitha mjetet për të frenuar përhapjen e koronavirusit”, tha presidenti turk.
Në të gjithë territorin e Turqisë janë regjistruar 168 viktimave dhe janë konfirmuar 10.827 të infektuar nga koronavirusi.
