Ndërsa e gjthë bota është në kolaps për shkak të pandemisë, njerëzit kërkojnë të dinë se edhe sa do të zgjasë kjo situatë?! Prej muajsh, bota po ‘lufton’ me koronavirusin vdekjeprurës. Vaksina ende nuk është gati, dhe kjo ka shtuar edhe më tej frikën, nëse do i rikthehemi ndonjë ditë normalitetit.
Shefi i Agjencisë së Shëndetit Publik në Suedi, Anders Tegnell, ka bërë një parashikim se kur situata mund të stabilizohet. Në një intervistë për “Revista Bocas”, Tegnell tha se çdo gjë varet nga efikasiteti i vaksinës.
“Nëse do të kthehemi në normalitet…”, e nisi fjalën e tij epidemiologu, para se të shtonte se një gjë e tillë do të kërkojë shumë kohë.
“Do të varet nga efikasiteti i vaksinës, dhe nga fakti nëse në një kohë të shkurtër do të vaksinohen mjaftueshëm njerëz. Po flasim për një vit e gjysmë, ose pak më shumë”, u shpreh Tegnell.
