Shkencëtarët ende nuk kanë konfirmuar nëse ‘imuniteti i tufës’ funksionon në mënyrë të plotë ndaj COVID-19. Po kështu, shkalla dhe kohëzgjatja e imunitetit midis pacientëve të rikuperuar, mbetet ende e paqartë.
Në lidhje me këtë çështje, një ekspert i lartë i shëndetësisë në Kinë, Zhang Wenhong, ka pohuar se do të ishte e pamundur që njerëzit ta luftojnë pandeminë me ‘imunitetin e tufës’.
Wenhong, i cili menaxhoi situatën ndaj COVID-19, është shprehur i bindur se kjo metodë do të çonte në një katastrofë globale. Për të aplikuar këtë metodë, ai tha se duhet të infektohen së paku gjysma e popullsisë së botës, për të ndaluar COVID-19.
