Këshilltari kryesor shkencor i qeverisë britanike, Sir Patrick Vallance, ka paralajmëruar se Mbretëria e Bashkuar mund të shënojë nga 50 mijë raste në ditë me koronavirus, nëse nuk merren masa shtesë.
Më tej ai thotë se Britania mund të shënojë deri në 200 viktima në ditë, nga mesi i muajit nëntor.
“Pesëdhjetë mijë raste në ditë mund të priten një muaj më vonë, prandaj mesi i nëntorit mund t’i sjellë mbi 200 viktima në ditë”, tha ai, raporton BBC.
Përqindja e personave të infektuar me Covid-19 në nivel vendi vlerësohet të jetë nën 8 për qind, ndonëse në Londër kjo shifër mund të jetë 17 për qind.
Deri më tani, në Mbretërinë e Bashkuar janë shënuar rreth 400 mijë raste pozitive dhe mbi 41 mijë viktima.
