Tashmë ka shkuar në pesë numri i lojtarëve të infektuar me koronavirus te Partizani, para derbit të kryeqytetit. Deian Boldor dhe Besnik Ferati ishin të parët që dolën të infektuar.
Zbulimi i tre rasteve të fundit, Çinari, Kote dhe Mala, ka shtuar tej mase frikën, por edhe tensionin në kampin e kuq.
Në total janë kryer 50 tamponë, dhe nga përgjigjet zyrtare të konfirmuara nga ISHP-ja, tre pjesëtarë të ekipit, Erald Çinari, Esat Mala dhe Kristi Kote, kanë rezultuar pozitivë me ‘COVID-19’ dhe janë asimptomatikë.
Mes personave që ka kryer testin është edhe vëllai i kryeminsitrit Edi Rama, Olsi Rama, testi i të cilit sipas vetë klubit të Partizanit, ka dalë negativ.
Olsi Rama është drejtues te skuadra e Partizanit, tashmë prej disa kohësh, por duket se nuk ka pasur kontakte të afërta me futbollistët të cilët kanë rezultuar pozitiv.
