Një 34-vjeçare nga Librazhdi e cila vuante nga insuficenca renale kronike, diabeti, hipertensioni, humbi jetën si pasojë e koronavirusit.
Ajo është viktima më e re nga COVID-19 në vendin tonë. E ndjera kishte disa sëmundje bashkëshoqëruese, ndërsa prej disa ditësh kishte qenë e intubuar.
Burime për “abcnews.al” bëjnë me dije se një javë më parë, ajo kishte kryer një vizitë në spitalin e Prrenjasit, për shkak të sëmundjeve që kishte.
Më pas është shtruar në Spitalin Infektiv, pasi ka shfaqur shenja të koronavirusit. Të njëjtat burime shtojnë se shtrimi në spital ka ardhur pak ditë më vonë, por jo nga ana e spitalit të Prrenjasit.
Gjatë 24 orëve të fundit janë kryer 347 testime për të dyshuar të prekur me COVID-19, nga të cilat janë konfirmuar 67 raste pozitive.
