Ministrja e Shëndetësisë, Ogerta Manastirliu zhvilloi më herët një takim me epidemiologët, të cilët gjenden në terren prej 5 muajsh në gjurmim të të prekurve me COVID-19.
Ndër të tjera, në këtë takim u fol edhe rreth të ashtuquajturave “zona të zjarrit” në kryeqytet, ku ka më shumë të infektuar.
Epidemiologët thanë se rastet e konfirmuara janë përqendruar kryesisht në zonat rurale dhe lagjet e Tiranës, ndërsa pandemia sipas tyre është përhapur me rinisjen e eventeve ku marrin pjesë shumë njerëz.
Lagjet e Tiranës, ku janë përqendruar vatrat e infeksionit të koronavirusit janë: Astiri, Fresku dhe Kodra e Diellit.
