Protesta në Francë që vazhdon prej muajsh për rrëzimin e qeverisë së Presidentit Emmanuel Macron ka degjeneruar në dhunë masive. Por këtë herë nuk u përballën me policinë, por ka pasur dhunë mes tyre.
Grupet rivale u përballën në Lyon në një ditë kur ata duhej të bashkoheshin në protestë kundër qeverisë. “Një grup i krahut të djathtë të “Jelekëve të Verdhë” sulmoi një grup tjetër protestuesish të krahut të majtë dhe rezultati ishte një masakër,” tha një protestues që dëshmoi dhunën në qytetin juglindor të shtunën.
“Ata filluan të sulmonin egërsish njëri-tjetrin, duke pëdorur edhe sende të forta, dhe u desh ndërhyrja e policisë që të qetësonte situatën.”
Skenat e dhunës u filmuan nga protestuesit dhe më pas videot u shpërndanë në mediat sociale.
Jelek Verdhët, të cilët kanë marrë emrin nga xhaketat që mbajnë veshur janë shoferë të cilët u detyruan të protestonin kundër rritjes së çmimeve të karburantit nëntorin e kaluar.
Por tani ata janë duke bërë një lëvizje shumë më e gjerë, duke bërë thirrje për dorëheqjen e presidentit Macron dhe largimin e sistemit politik të Francës.
Rreth 55,000 xhaketa të verdha morën pjesë të shtunën në demostratat pranë parlamentit. Më shumë se 5000 prej tyre ishin në Paris, ku pati 38 arrestime pas trazirave të gjera, ku u sulmuan bankat, agjensitë e pasurive dhe zyrat postare.
Dy automjete patrullimi kundër terrorizmit u dogjën pranë Kullës Eifel, ndërsa një pritestuese humbi katër gishtërinj gjatë një sulmi pranë parlamentit të Francës.
Imazhet shqetësuese tregojnë gruan duke u trajtuar nga mjekët menjëherë pasi policia kishte qëlluar me plumba gome në një turmë, e cila ishte duke u përpjekur të kalonte hekurat rrethues.
‘Dora e tij u shqye pas një shpërthimi – kishte gjak kudo’, tha një dëshmitar okular i incidentit, i cili ndodhi rreth orës 13:00 të shtunën.
Përshtati TIRANA TODAY!
Prej muajsh në Francë vazhdojnë protesta të dhunshme ku janë sulmuar monumente historike se “Harku i Triumfit”, por edhe monumentet e tjera publike, si dhe dyqane janë plackitur e djegur.
