Ish-ministri i Brendshëm Saimir Tahiri, do ta vuajë dënimin e tij prej 3.4 vitesh burg në Fier.
Ky institucion i vuajtjes së dënimit është i sigurisë së zakonshme, dhe është ndërtuar gjatë periudhës kur vetë Tahiri ishte në krye të Ministrisë së Brendshme.
Tahiri do të qëndrojë vetëm në qeli. Ai gjatë intervistës së sigurisë nuk ka pasur asnjë lloj pretendimi apo kërkesë se ku duhet të qëndronte.
Drejtoria e Përgjithshme e Burgjeve kreu një vlerësim të rrezikut para se të vendosnin për transferimin e ish-ministrit. Kjo, për të evituar dërgimin e tij në ambiente ku qëndrojnë individë që për shkak të detyrës që ka mbajtur, mund të konsiderohen rrezik për të.
Gjatë vuatjes së dënimit, ish-ministri do të ketë 4 vizita në muaj përgjatë harkut kohor 08:30-15:00.
Avokati Maksim Haxhia ka paralajmëruar rekurs në Gjykatën e Lartë, ku do të kërkojë pafajësi, ndërkohë Kodi i Procedurës Penale i lejon ish-ministrit të kërkojë edhe shtyrje të ekzekutimit të këtij dënimi nëse plotëson disa nga kushtet e përcaktuara.
