Pas një sërë kërkimesh, studiuesit britanikë kanë arritur që të publikojnë pamjet e detajuara si shumohet koronavirusi në trupin e njeriut.
Grupi i Universitetit të Shkencave të Dundee, ka publikuar pamjet e këtij virusi vdekjeprurës për njerëzimin. Skanimet tregojnë edhe majat në pjesën e jashtme të virusit nga të cilat koronavirusi merr emrin, pra të kurorave apo aureolës.
Ata kanë arritur që të zbardhin me anë të fotove se si pjesëzat e virusit Sars-CoV-2, i cili më pas shkakton sëmundjen Covid-19, prekin indet e zorrëve të njeriut, duke u grumbulluar aty, shumohen dhe më pas largohen.
Duke përdorur modele të simuluara të zorrëve njerëzore, studiuesit arritën të kultivonin virusin në epruveta dhe të monitoronin reagimin e qelizave ndaj tij.
Zbulimet shpjegojnë faktin se përse një e treta e pacientëve me Covid-19, kanë dhe simptoma gastro-intestinale (të zorrëve) si diarrea, si dhe faktin që virusi mund të zbulohet dhe në mostrat e feçeve.
