Spanja ka regjistruar një rritje rekord të numrit të të infektuarve nga koronavirusi. Sot janë njoftuar 6584 raste të reja me koronavirus, duke e çuar totalin në 39.673. Numri i vdekjeve gjithashtu u rrit me një numër rekord prej 514 në 2696. Me këto ritme, duket se do i ngjasojë Italisë, aty ku koronavirusi ka bërë namin.
Për shkak të mungesës së shtretërve, spitalet në Madrid janë detyruar t’i shtrojnë pacientët në dysheme, teksa presin për shërbimin mjekësor. Në rrjet po qarkullojnë foto dhe video të tmerrshme të njerëzve të infektuar, që qëndrojnë të shtrirë në tokë.
Në dallim nga Italia, ku 80% e viktimave janë përqendruar në tre rajone, në Spanjë ka patur një rritje të shpejtë të rasteve në zonat që më parë ishin imune. Të hënën filloi java e dytë e izolimit të qytetarëve.
