Mjekët anembanë botës, nuk e kanë aspak të lehtë të përballen me pacientët e infektuar. Ka nga ata të cilët i binden bluzave të bardha, sikundër ka edhe nga të cilët janë agresivë.
Një pacient ka kafshuar infermieren, e madje e ka dhunuar mizorisht, pasi nuk ka pranuar që të bënte një test gjaku. Pacienti agresiv e kishte injoruar, dhe ishte përpjekur të dilte nga reparti i tij, duke e sulmuar.
Bëhet fjalë për një pacient 47-vjeçar nga Nigeria, i cili ka tentuar të dalë nga karantina e tij në një spital në Guangzhou, Kinë. Ai është ndaluar nga një infermiere e njohur me mbiemrin Wang.
47-vjeçari i cili është ndeshur me infermieren e kërkesën e saj që të mos dilte jashtë ambienteve, ka vepruar në mënyrë kafshërore. Ai e ka sulmuar dhe kafshuar pa mëshirë infermieren.
Sikundër raportojnë mediat e huaja, pacienti 47-vjeçar i ka krijuar mavijosje dhe të çara në fytyrë, po ashtu i ka shkaktuar plagë në qafë dhe kraharor.
Lidhur me këtë rast të rëndë, policia lokale njofton se pacienti po merr mjekim në karantinë, me mbikëqyrjen e policisë. Ai do të ndiqet penalisht në përputhje me ligjet kineze pas shërimit.
