Nënë e bir kanë mbetur të plagosur, si pasojë e një aksidenti ndodhur në autostradën Tiranë-Durrës. Përplasja fatale ka ndodhur paraditen e sotme. Dy makina, një Benz dhe një Volvo janë përplasur mes tyre. Benzi ka dalë nga rruga, dhe për pasojë kanë mbetur të plagosur dy persona.
Nënë e bir, Hamide dhe Shpëtim Sipri, 59 dhe 33-vjeç kanë marrë plagë të rënda.
Të dy ndodhen për mjekim në Spitalin e Traumës. 33-vjeçari ndodhet në gjendje më të rëndë.
Burime nga vendi i ngjarjes bëjnë me dije se mjeti drejtohej nga 59-vjeçarja. Policia ka nisur hetimet për shkaqet e aksidentit.
