Një shqiptar i njohur me emrin Gjoka është dëbuar nga Danimarka. Ai ishte martuar me një të huaj të quajtur Stine Kappelborg. Kjo e fundit pritet të sjellë në jetë fëmijën e shqiptarit. Madje shqiptari pas martesës me vajzën nga Danimarka kishte marrë mbiemrin e saj.
Gjoka Kappelborg u dëbua nga Danimarka vetëm një muaj para se gruaja e tij Stine Kappelborg të lindë fëmijën e parë të çiftit.
Stine Kappelbord po paketon çantën e saj në mënyrë që të jetë e gatshme pasi pas dy javësh do sjellë në jetë djalin. Djalit çifti do ia vendosë emrin Marko. Babai i djalit nuk mund të jetë aty kur i vogli të vijë në jetë. 10 ditë më parë Danimarka e dërgoi drejt Shqipërisë.
“Nëna ime ka thënë se do vijë me mua, por është e vështirë. Ajo ka një punë me orar të plotë. Ne jemi përpjekur të bëjmë plane të reja për mënyrën se si mund të më ndihmojë”, thotë Stine Kappelborg.
Stine dhe Gjoka u takuan në 2012 në Greqi.
Në shkurt të këtij viti ata u martuan dhe u zhvendosën menjëherë në Danimarkë. Në qershor, çifti kërkoi që Gjoka të merrte mbiemrin e gruas së tij.
Danimarkës iu desh 10 muaj të pranonte ose jo bashkimin e shqiptarit me familjen Kappelborg. Kërkesa e tij u refuzua vetëm një muaj para se të vijë në jetë djali i tij Marko.
“Qeveria jonë ka vërtet rregulla të mira. Pajtohem me shumë rregulla, por në këtë rast Gjoka nuk ishte një barrë për shoqërinë tonë, më vjen keq që ai u largua”, thotë Stine Kappelborg.
Preben Bang Henriksen është i trishtuar për situatën e çiftit, por pohon se rregullat janë të sakta, raporton tv2nord.dk.
“Ky është një rast i trishtuar, por për fat të keq ne duhet të ndërhyjmë në rregullat e përgjithshme të zbatueshme për të gjithë”, thotë Preben Bang Henriksen, anëtar Liberal i Punëve të emigracionin dhe integrimin.
E vetmja mundësi është që Gjoka të aplikojë për vizë turistike tre mujore. Çifti ka punësuar një avokat dhe ka apeluar refuzimin e bashkimit familjar në Bordin e Imigracionit./TIRANA TODAY/
