I dërguari i posaçëm i SHBA-së për Ballkanin Perëndimor Matthew Palmer është takuar me Zoran Zaev.
Pas takimit në Shkup me kryeministrin e Maqedonisë së Veriut Zoran Zaev, Palmer deklaroi:
“Mesazhi jonë është se SHBA-ja është partnere dhe mike e Maqedonisë së Veriut.
Ne jemi të përkushtuar në këto raporte me Maqedoninë e Veriut dhe integrimin e saj në NATO dhe BE”.
“Ne në vazhdimësi kemi deklaruar se Marrëveshja e Prespës është shumë e rëndësishme.
SHBA-të do të vazhdojnë ta mbështesin pasi ka rëndësi të madhe për sigurinë dhe stabilitetin në rajon dhe se zbatimi i saj duhet të vazhdojë”, vijoi Palmer.
