Prishja e pallatit në Vlorë dhe beteja ligjore e fituar nga pronarët në Gjykatën e Strasburgut, ka zënë ngushtë qeverinë shqiptare. Qeveria ka në dispozicion 3 muaj kohë për të shlyer vlerën financiare për pronarët.
Brenda këtij afati qeveria duhet t’i paguajë vjehrrit të kreut të PD-së dhe pronarëve të tjerë shumë e 13 milionë eurove. Ky vendim për kryeministri Rama, nuk është i drejtë, ndërsa shtoi se qeveria ka gati planin tjetër për ankimimin e këtij vendimi.
Për vendimin e prishjes së pallatit, Rama tha se pronarët nuk kanë qenë dakord për shifrën e dëmshpërblimit, jo për shpronësimin. Për kryeministrin, me prishjen e pallatit ka fituar më shumë Vlorë dhe turizmi i saj, problemet e tjera janë thjeshtë dytësore.
“Së pari ne kemi bërë një shpronësim të ligjshëm. Pronarët nuk kanë kontestuar vendimin, por shifrën pasi kanë qenë të pakënaqur. Një numër i caktuar i familjeve që kishin blerë hyrje, gjykata ka dhënë vendimin tashme. Ajo që ka fituar është Vlora dhe ajo që do të fitoi turizmi nuk krahasohet aspak me atë që diskutohet sot”-tha Rama në Ora News.
Në lidhje me akuzat e bëra se shteti shqiptar mund të humbasë në gjyqe të tjera rreth 2 miliardë dollarë, për Ramën kjo është një shifër e paqenë dhe zgjodhi të mos komentojë më shumë për këto akuza.
