Pallati 28 katësh, në vijën e parë të plazhit në zonën e Shkëmbit të Kavajës, do të shembet pasi ka probleme të shumta duke rrezikuar shembjen, nisur dhe nga fakti se leja e ndërtimit është shkelur.
Ndërkohë, policia ka shpallur në kërkim pronarin e pallatit, biznesmenin Enver Shala, pasi ka kërcënuar drejtorin e Institutit të Ndërtimit, inxhinerin Agron Hysenlliu, pas hartimit të relacionit për prishjen e objektit 28 katësh.
Kjo ndërtesë u bë e njohur për opinionin publik, 2 vite më parë, kur gjatë shtesës së kateve, konstruksionet metalike të 3 kateve të fundit u shembën duke rrezikuar jetën e punëtorëve dhe banorëve, pasi pallati ka qenë i banuar në kohën kur kanë nisur punimet e tjera.
Biznesmeni Enver Shala u ndalua atë vit nga Policia e Durrësit dhe u hetua në gjendje të lirë.
