Ministrja e Ekonomisë dhe Financave ka treguar se pse paketa e ndihmës ekonomike në Shqipëri, nuk krahasohet me atë të vendeve si Italia apo Spanja.
Në këto vende të Evropës për të paktën 18 muaj bizneset do kenë mundësi të mos paguajnë këstet e kredive si dhe do përjashtohen nga disa taksa.
E ftuar në studion e News24, Denaj tha ndihmat ekonomike vijnë në bazë të rëndesës së situatës shëndetësore. Ajo thekson se ato janë më të prekura nga koronavirusi, prandaj edhe kanë nevojë më të madhe për ndihmë.
“Ne si Shqipëri krahasohemi me situatën e përhapjes së sëmundjes, me Italinë e Spanjën, kështu që efekti në ekonomi në shtrirje kohe mund të jetë më i mire te ne. Sot edhe BSH edhe bankat e tjera e kanë vlerësuar të mjaftueshëm këtë ndihmë. Në Itali dhe Spanjë situata është shumë e përshkallëzuar në krahasim me ne, ndaj edhe nevojiten ndihma më të mëdha”, tha ajo.
