Enver Hoxhaj ka dhënë dorëheqjen nga kreu i Partisë Demorkatike të Kosovës, pak ditë para se kjo forcë politike të zhvillonte zgjedhjet për kryetarin e ri. Hoxhaj e bëri të ditur lajmin ditën e sotme gjatë një konference për mediat.
Ai u shpreh se do ta ushtrojë këtë funksion deri më datë 3 korrik, kur janë edhe zgjedhjet e brendshme. Hoxhaj tha se nuk do të garojë, por ftoi anëtarët e PDK-së që të ndërmarrin një hap të tillë.
Enver Hoxhaj: ”Nga ky moment ne i pushojmë funksionet tona partiake deri në mbajtjen e Konventës, dhe i vetmi organ që do të jetë funksional është grupi punues i cili do të merret me organizimin e Konventes. Dorëheqja ime dhe e kryesisë është akt demokratik statutor dhe përçon shembullin e mirë të një partie serioze, e cila do të dal më e fortë pas zgjedhjeve të 3 korrikut. Unë e ftoj çdo anëtar të PDK-së që të garojë për të parin e partisë, ky akt nuk duhet të shihet dhe nuk është si përpjekje për të zëvendësuar liderët, kryetarin Veseli por është një mesazh se vetëm një PDK e fortë do ta bëjë UÇK-në më të fortë, udhëheqësit e saj më të fortë. Nga 5 nëntori 2020 ne kemi arritë që dhembjen ta shndërrojmë në forcë, tash është momenti që këtë forcë ta shndërrojmë në vizion për Kosovën. Konventa që do të mbahet është manifestim i pjekurisë politike, konventa do të jetë një ngjarje përtej PDK-së”.
