E mërkurë, 4 Gusht, 2021
35.5 C
Tirana

“Java Çame”, marshim në Shkup: “Çamëria në zemrat tona”

“Java Çame” është zhvendosur sot në Shkup. Marshi për Çamërinë filloi nga Kalaja e Shkupit deri te Ambasada e Greqisë. Sipas agjencisë “almakos.com”, mësohet se protestuesit u mblodhën në Shkup nga më shumë qytete të Maqedonisë së Veriut, ndërsa gjatë marshimit ata brohorisnin parulla si “Çamëria në zemrat tona”, “Çamëria është Shqipëri”, e të tjera.

I pranishëm në marshin e Shkupit ishte edhe kryetari i Partisë Drejtësi, Integrim dhe Unitet,  Shpëtim Idrizi. Marshimi u parapri nga një diskutim mbi historinë e këtij komuniteti me historianin Arben Lalla dhe opinionistin Kim Mehmeti.

Në emër të Këshillit Organizativ të Javës Çame në Shkup, Sumeja Ramani lexoi një letër para Ambasadës së Greqisë në Shkup, letër e cila më pas u dorëzua në ambasadë. Në letër theksohet se spastrimi etnik i Çamërisë nga elementi shqiptar ka pasur prapavijë politike të pambështetur në asnjë fakt për akuzën se shqiptarët kanë qenë bashkëpunëtorë të nazistëve. “Prandaj ne jemi sot këtu që t’i kërkojmë Greqisë që shqiptarët nga Çamëria të rikthehen për të vizituar shtëpitë dhe varret e të parëve. Ashtu si ua lejoi maqedonasve egjeas të Greqisë, që janë përzënë gjatë luftës civile 1947-1949 për t’i vizituar shtëpitë dhe varret e të parëve, Greqia njësoj duhet t’i lejojë edhe çamët për ta bërë këtë”, tha Ramani.

Në letër gjithashtu i bëhet thirrje Komisionit Evropian dhe Parlamentit Evropian që të detyrojnë Greqinë, si anëtare e BE-së, të ndalojë diskriminimin etnik dhe fetar ndaj çamëve. Marshi u shoqërua nga forca policore, ndërsa përfundoi i qetë dhe pa incidente. Megjithatë, marshimi u parapri nga heqja e posterave për aktivitetin nga policia maqedonase. “Nuk ka dyshim se, sikur të mundej, policia maqedonase do e shlyente nga kujtesa jonë jo vetëm kujtesën për tragjedinë çame, por edhe mbëmendjen për vetveten. Pra do na e ndalonte ta duam gjithë shqiptarinë dhe do na çonte të mburreshim me himnin shtetëror që rrëfen për ‘maqedonasit e kudondodhur, që janë zgjuar dhe luftojnë për të drejtat e tyre”?! Por sidoqoftë, ne shqiptarët e Maqedonisë duhet ta kuptojmë se nuk kemi gjithaq problem me antishqiptarinë institucionale, e cila donë të na bind se për ne çdo gjë duhet të përfundojë te trau ndërkufitarë në Qafë të Thanës dhe në Bllacë, por problemi jonë janë edhe disa ‘shkije’ tanë që ndërrojnë ngjyrën nga e kuqja në të gjelbër, si të ishin kameleonë, por të cilët assesi nuk e kuptojnë se kolltukët e tyre janë veshur me përbuzjen dhe urrejtjen nda shqiptarisë. Andaj tani jo vetëm sheshet, por edhe shtëpia e çdo shqiptari shkupjanë, duhet të stoliset me mbishkrimin ‘E dua dhe kurrë nuk e harrojë Çamërinë”! Dhe të shohim a do vijë policia maqedonase t’i gëlqeros edhe muret e shtëpive tona!”, shkroi Mehmeti pas heqjes së posterave.

- Reklama -

Më shumë nga kategoria




Të fundit

Luiza Gega përfundon garën e 3000 metrave me pengesa, në çfarë vendi u rendit

Atletja Luiza Gega zbriti në pistën e stadiumit të Tokios për finalen e madhe në garën e 3000 metrave me pengesa, ku dhe u...

I mori jetën gruas/40-vjeçari: Po e përgjoja, kishte një lidhje jashtëmartesore

Shqiptari Florand Shehu i cili masakroi me thikë gruan e tij para disa ditësh në Greqi, ka rrëfyer para autoriteteve se nuk ishte në...

VIDEO/Rama i shpalli ‘luf*ë të hapur’, Peleshi shfaqet me Dritan Lelin në Vlorë

Situata me zjarret është përkeqësuar gjatë ditëve të fundit. Flakët kanë mbërritur edhe në zonat e banuara, duke ndezur sinjalin SOS në Gjirokastër, Dukat,...

Verbëria e rutinës së dorëzimit të përditshëm

Nga: Agim Baçi Shpesh njerëzit tregohen të verbër, ose bëjnë sikur!”, tha shkrimtari portugez Jose Saramango në ceremoninë e marrjes së çmimit “Nobel” në vitin 1998, duke...

Humbi jetën mes flakëve/ Shoku i viktimës: Nuk kishim zjarrfikëse

Detaje të reja të rënda kanë dalë në dritë lidhur me ngjarjen e rëndë ndodhur dje në fshatin “Asim Zeneli” në Gjirokastër, ku mbeti...