Gjykata holandeze ka dënuar Rusinë që të paguajë 50 miliardë dollarë, si kompensim për ish-aksionerët e grupit të naftës “Ioukos”.
Gjykata e Apelit e Hagës rrëzoi gjatë seancës së sotme një gjykim të vitit 2016 në favor të Rusisë. Gjykimi në fjalë kundërshtonte një vendim të mëparshëm të Gjykatës së Përhershme të Arbitrazhit (CPA), duke iu dhënë ish-aksionerëve 50 miliardë dollarë (46 miliardë euro) si kompensim.
Pas kësaj ka ardhur reagimi i menjëhershëm i Rusisë, e cila njoftoi se do ta kontestojë gjykimin. Ministri rus i Drejtësisë, Aleksandr Konovalov deklaroi se gjykata e ka injoruar faktin që ish-aksionerët nuk ishin të gjithë aksionerë të mirëfilltë.
Rusia u akuzua nga ish-aksionerët për organizim të mbylljes së Ioukos për shkaqe politike. Ajo u dënua nga CPA (juridiksion ndërkombëtar që ndodhet në Hagë) që të paguante 50 miliardë dollarë si kompensim ndaj tyre.
