Monika Kryemadhi fitoi mandatin e saj të dytë në krye të LSI.
Ajo ishte e vetmja që kandidoi dhe e pyetur nëse kjo ishte një garë për rivalë, Kryemadhi kundërshtoi në ”Open”.
“Kushdo që do donte mund të kandidonte, që në korrik kur ka qenë afatet kohore kur u shpall procesi. Nuk ka të bëjë kryetari por ekipi drejtues. Kandidimi im s’ka të bëjë se është vetëm por përgjegjësinë që në garën e kemi në 25 prill. Unë mora një gjysmë mandati në një moment kur LSI kaloi në opozitë. Ne mund të bënim dhe fasadë që sikur kishim 10 kandidatë, por kjo ishte reale”, tha ajo.
Kryemadhi nuk e pranon krahasimin që i bëjnë me kryeministrin Rama.
“Ndryshimi im mes Edi Ramës dhe LSI, në zgjedhjet e 30 qershorit unë Ramën nuk e kam sulmuar pse kandidoi vetëm me një kandidat, por edhe kur kishte mundësi të zgjidhte një kandidat ai nuk arriti të gjejë një kandidat të saktë. Tjetra kishte një dekret presidencial që shtynte datën e zgjedhjeve nga 30 qershori në 13 tetor”, u shpreh Kryemadhi.
