Mesut Ozil i dha fund beqarisë duke u martua, ish-Miss Turqinë, Amine Gulse, në një hotel luksoz në brigjet e Bosforit.
I pranishëm në këtë dasmë ishte edhe presidenti turk Erdogan, si dëshmitar i futbollistit gjerman.
Mesfushori 30-vjeçar i Arsenalit kishte paralajmëruar që në Mars, se ai i kishte propozuar presidentit turk që të ishte dëshmitar në dasmën e tij, gjë e cila ka nxiti shumë kritika në Gjermani.
Takimi i futbollistit turko-gjerman me presidentin Erdogan para zhvillimit të Kupës së Botës vitin e kaluar nxiti shumë polemika ndaj Ozil, i cili njihet për prejardhjen e tij turke.
Pas kësaj ngjarjeje ai dha dorëheqjen nga futbolli ndërkombëtar, për shkak të racizmit dhe mungesës së respektit që ai kishte përjetuar, për shkak të fotove ku shfaqej duke pozuar me presidentin turk.
Ndërkohë, Erdogan dihet tashmë se merr pjesë shpesh në martesat e të famshmëve në Turqi, veçanërisht gjatë fushatave zgjedhore.
Pjesëmarrja e tij në martesën e Ozil vjen përpara rivendosjes së zgjedhjeve për kryebashkiak në Stamboll. Rezultati i mëparshëm në të cilin kandidati i tij i AKP u mposht, u anulua duke shkaktuar kritika ndërkombëtare. /Tirana Today
