Pandemia e koronavirusit vijon të jetë një problem global, teksa dita ditës mijëra persona infektohen nga kjo sëmundje.
Një nga sfidat më të mëdha për parandalimin e kësaj pandemie janë bartësit asimptomatikë, të cilët nuk shfaqin asnjë lloj shenje të infektimit. Kështu, ata janë të predispozuar që të përhapin virusin përpara se ta kuptojnë edhe vetë se janë të infektuar.
Shkencëtarët nga Instituti Rockefeller të Universitetit të West Virginia (RNI) po përpiqen që të krijojnë një platformë, me të cilën mund të hetohet sëmundja edhe nëse nuk ka simptome të dukshme.
Pajisja është në formën e një unaze dhe quhet ‘Oura’. Sipas Endgaget, kjo platformë digjitale mund të detektojë simptomat e COVID-19 deri në tri ditë më parë me afro 90 për qind saktësi.
Ajo ka të bëjë me neuroshkencën dhe përcjell biometrinë e stresit, ankthit, memories dhe biometrive psikologjike. Unaza Oura mbledh të dhëna fiziologjike, si temperatura e trupit, ritmi i zemrës, ritmi i frymëmarrjes dhe struktura e gjumit. Platforma po testohet nga 600 profesionistë të shëndetësisë.
