Vijojnë ndërprerjet e energjisë elektrike në kryeqytet, si pasojë e investimeve në rrjet.
OSSHE njofton se ditën e nesërme, Tirana do të ketë furnizim të pjesshëm me energji, pasi do të ketë punime në 8 kabina.
Sipas njoftimit, në kuadër të planit te investimeve nga ana e Drejtorisë Rajonale Tiranë, më 22 gusht, nga ora 09:00 deri në 15:00, do të punohet në 8 kabina dhe si rrjedhojë do stakohet energjia elektrike pjesërisht në disa zona.
Kështu pa drita do të jenë zonat pranë rrugëve të mëposhtme: “Ali Demi”, “Xhanfize Keko” pranë shkollës “Hasan Prishtina”, “Halim Xhelo”, “Rruga Skenderbej” pranë Bllokut te Ambasadave, “Jordan Misja”, “Siri Kodra” dhe “Reshit Petrela” pranë Dispancerisë.
