E hënë, 6 Dhjetor, 2021
11.5 C
Tirana

Origjina e Covid-it mund të mos dihet kurrë

Agjencitë e inteligjencës amerikane thonë se mund të mos jenë kurrë në gjendje të identifikojnë origjinën e Covid-19, por ata kanë arritur në përfundimin se nuk është krijuar si një armë biologjike.

Në një vlerësim të përditësuar se ku filloi virusi, Zyra e Drejtorit të Inteligjencës Kombëtare të SHBA (ODNI) tha se një transmetim nga kafsha te njeriu dhe një rrjedhje laboratorike, ishin të dyja hipoteza të besueshme për mënyrën se si u përhap.

Por nuk kishte informacion të mjaftueshëm, për të arritur në një përfundim. Gjetjet u publikuan në një raport të deklasifikuar, i cili është një përditësim i një rishikimi 90-ditor që administrata e Presidentit Joe Biden publikoi në gusht.

Ai tha se komuniteti i inteligjencës mbetet i ndarë për origjinën më të mundshme të virusit. Katër agjenci vlerësuan me “besim të ulët” se kishte origjinën nga një kafshë e infektuar ose një virus i lidhur. Por një agjenci tha se kishte “besim të moderuar” se infeksioni i parë njerëzor ka shumë të ngjarë të ishte rezultat i një aksidenti laboratorik, ndoshta duke përfshirë eksperimentimin ose trajtimin e kafshëve nga Instituti i Virologjisë Wuhan.

Raporti tha gjithashtu se zyrtarët kinezë nuk ishin në dijeni të ekzistencës së virusit përpara shpërthimit fillestar të Covid-19 në qytetin e Wuhan, në fund të vitit 2019. Por Kina po vazhdonte të pengonte hetimin global, dhe të rezistonte ndaj ndarjes së informacionit.

Autoritetet kineze i lidhën rastet e hershme të Covid-19 me një treg ushqimesh deti në Wuhan, duke i shtyrë shkencëtarët të nxjerrin teori se virusi fillimisht kaloi te njerëzit nga kafshët.

Por në fillim të këtij viti, raportet e mediave amerikane sugjeruan prova në rritje se virusi mund të kishte dalë nga laboratori Wuhan, aksidentalisht.

Lexo edhe :   Hyjnë në fuqi masat e reja anti-Covid, transporti publik me dëshmi vaksinimi

Në maj, presidenti Biden urdhëroi zyrtarët e inteligjencës të hetojnë origjinën e virusit, duke përfshirë teorinë e rrjedhjes së laboratorit, e cila është hedhur poshtë nga Kina.

Covid-19 dhe Wuhan: Pse nuk dimë më shumë?

Duke iu përgjigjur raportit të inteligjencës, ambasada kineze në Uashington tha në një deklaratë për agjencinë e lajmeve Reuters: “Lëvizjet e SHBA-së për t’u mbështetur në aparatin e saj të inteligjencës në vend, të shkencëtarëve për të gjurmuar origjinën e Covid-19 është një farsë e plotë politike. Ne kemi mbështetur përpjekjet e bazuara në shkencë për gjurmimin e origjinës dhe do të vazhdojmë të jemi aktivisht të angazhuar. Thënë kështu, ne kundërshtojmë me vendosmëri përpjekjet për të politizuar këtë çështje”.

Lexo edhe :   Një infermiere akuzohet për bërjen e kartave të rreme të vaksinës Covid-19

Rreth 240 milionë raste të Covid-19 janë konfirmuar në mbarë botën, me më shumë se 4.9 milionë vdekje.

Burimi i lajmit: BBC. Përshtatur nga Tirana Today

- Reklama -

Më shumë nga kategoria




Të fundit

“Shkelje financiare”, arrestohet presidenti i klubit italian

Presidenti i një prej klubeve të Serisë A është vënë në pranga, për shkelje financiare mes të cilave edhe deklarimin e falimentit të kompanive...

“Jam në Dubai, s’jam arratisur”/ Nipi i deputetit të PS-së: Ngjarje e stisur

Ramazan Rraja, nipi i deputetit socialist, Rrahman Rraja konfirmon se nuk është arratisur, pasi akuzohet se së bashku me dy persona të tjerë, kanë...

E shkarkuat Bashën, e pastaj …?

Nga: Artur Ajazi Foltoristët dhe kryetari i tyre Sali Berisha, po numurojnë me padurim të madh, sa ditë dhe sa orë, kanë mbetur deri ditën...

Dy raste me Omicron në Greqi

Me variantin Omicron u diagnostikuan dy rastet e dyshimta që ishin futur në mikroskopin e studiuesve të Greqisë. Bëhet fjalë për dy shtetas që kishin...

Ne përmbytemi rregullisht, e nuk vëmë mend nga asnjë fatkeqësi

Nga: Mentor Kikia Ka ndryshuar klima o budallenj! Duhet të ndryshojmë dhe ne, ndryshe do të ngordhim. Vetëm pas një jave me reshje, vjen paralajmërimi i...