Zv.kryeministri Erion Braçe ka reaguar pas lajmit të djeshëm se presidenti Ilir Meta në datën 26 prill, një ditë pas zgjedhjeve të ardhshme, do të japë dorëheqjen për të marrë postin e ministrit të Brendshëm ose kryeministrit.
“Ora News” bënte me dije nga burime jozyrtare, se në datë 26 prill, Ilir Meta do lërë Presidencën. Sipas burimit në fjalë, Meta është gati të lërë detyrën e presidentit dhe të marrë atë të kryeministrit dhe ministrit të Brendshëm, për të vendosur rendin në vend.
Ose të zv. kryeministrit dhe ministrit të Brendshëm njëherazi, gjithmonë kjo në varësi të rezultatit të zgjedhjeve që janë dekretuar të mbahen më 25 prill 2021.
Ndërkohë, postin e presidentit flitet që mund ta marrë Rexhep Meidani ose Sali Berisha, të dy persona që më parë e kanë mbajtur këtë post.
Me anë të një statusi në Instagram, Braçe i drejtohet qytetarëve me një pyetje, ku kërkon të dijë nëse është kjo është Shqipëria që duan.
Statusi nga Erion Braçe
NE 26 PRILL;
META KRYEMINISTER E
MINISTER I BRENDSHEM!
BERISHA PRESIDENT!
KJO ESHTE SHQIPERIA QE DONI?
KJO ESHTE SHQIPERIA QE JU PRET!
Ne fakt nuk u flet ju!
Ju flet krimineleve!
